وەیلان

وەیلان	وەرن با لە خەمەکانمان بدوێین
شێعر (2009/12/2 - 01:23) - نووسینی وەیلان شێعر safaryani@yahoo.se رەسووڵ سەفەریانی به‌فری به‌رپێ مژێکی قووڵ له‌‌ هه‌ناسه‌ت ته‌مه‌نێک تام به‌ ژین ئه‌دات له‌ گوێی چۆمی ئارامیی تۆ زمان ده‌ڕوێ ، زمان ده‌ڕوات ئه‌وباخچه‌یه‌ ‌ ،‌ سێبه‌ری تۆی له‌سه‌ردابێ‌ ژیان تێدا فڕێنێکی بێ به‌ربه‌سته‌ پێش ئه‌وه‌ی خوا ئه‌م جیهانه‌ بدۆزێتۆ حه‌زه‌کانم لاولاویێکی باڵاگر بوون تا به‌رزایی ماناکه‌ی تۆ هه‌ڵده‌کشان له‌ئه‌شقی تۆ قه‌ڵه‌م شێعری له‌شان کرد و له‌ بێستونی شه‌وانیدا تا ئێستاکه‌ش هه‌تاوی رووت ده‌کێشێتۆ من و تۆ بووین و ئه‌م دونیا که‌چی خوا هات له‌ ناکاودا خه‌تی سوری بۆمان دانا و دیوارهات و سنوری سور زه‌وی کرده‌ کێڵگه‌ی گوناه‌ ، تۆی حه‌رامی پێدا پرژان تا تاوانی لێ بروێت و بیکا به‌ قوڕگی ئێمه‌دا له‌ورۆژه‌وه‌ حه‌رام ئه‌روێت وه‌ک هه‌رزه‌ گیا و به‌ ر په‌نجه‌ره‌ی رۆحمان ده‌گرێت به‌و ده‌ستانه‌ی به‌ خۆمانه‌ سزای تاوانی ناکرده‌مان پێ ئه‌تاشن چاومان ده‌بێته‌ سیخوڕ و گوێ بۆ پچه‌ی ئاواته‌کانمان شل ده‌کات سنوری سور زیاد ئه‌کات و دیوارستان دامانده‌گرێت دیواره‌کان به‌ده‌ماختر له‌داره‌کان سه‌رهه‌ڵئه‌ده‌ن دار ئه‌که‌وێ دیوارئه‌روێت. حه‌سار به‌به‌ر هه‌ناسه‌ما ده‌کێشرێت جله‌کانم دیوارێکن ، دیوار. له‌سه‌ر رێگه‌ی وشه‌کاندا سنوری سور دانراوه‌ و ، به‌سه‌ربازی حه‌رامه‌وه‌ یه‌که‌ یه‌که‌ جل و به‌رگیان ده‌پشکێنن سنور ودیوار وحه‌رام تێک ئاڵاون وه‌ک سێ ماری پڕ له‌ژاری ژیان کوژن سنوری حه‌رام دیواری حه‌رام ئای له‌ حه‌رام ،وای له‌حه‌رام بینی ژینی گرتووم تۆش له‌ودیوی دیواره‌وه‌ به‌ئامێزی ئاوه‌ڵاوه‌ ده‌ملاوێنی و هاوار ده‌که‌ی: دیوار به‌ده‌نگ ده‌روخێت و سنوری سور به‌به‌زاندن که‌ دیوار و سنور نه‌ما، حه‌رام بۆ خۆی له‌ به‌رتاوی ئازادیدا وه‌ک دوابه‌فری به‌هارانی به‌رپێی رێبواری کۆڵانه‌کان به‌ چڵکنی و بێ بایه‌خی ئه‌توێته‌وه‌. نوامبه‌ری 2009 کۆمینته‌کان {0} کۆمینت شمشاڵی ژیان (2009/2/18 - 16:35) - نووسینی وەیلان شێعر safaryani@yahoo.se رەسووڵ سەفەریانی شمشاڵی ژیان هێشتا رۆژه‌ خه‌واڵوه‌که‌ی سکاندیناو ئاوی تاوی رانه‌دابو له‌ دوو چاوی که‌ ئاوازی موبیله‌که‌م، وه‌ک چه‌خماخی پێشی باران له‌ پیاسه‌ی به‌یانیانی باخچه‌ی وشه‌ په‌ڕاندمی و بارانێکی ژیاناوی رژایه‌ سه‌ر له‌شی ئیشک و چاوه‌ڕوانم دڵۆپ دڵۆپ وشه‌کانم ده‌خوارده‌وه‌ و روبار روبار ده‌ماره‌کان وه‌ک مه‌یگێڕی به‌رباره‌کان جامی شادی به‌ده‌سته‌وه‌. شه‌پۆل شه‌پۆل له‌ هه‌ناسه‌ی زستانه‌وه‌ بۆنی گه‌رمی به‌هار دێت و ره‌نگی خه‌نده‌ش زالترین ره‌نگی ساته‌ به‌یانیت باش ئه‌ی ژیانی ژار چه‌شتوم پێده‌که‌نی؟ پێ بکه‌نه‌ به‌م ته‌مه‌نه‌ که‌ وه‌ک پوش و پلاشی به‌ر ته‌نور سوتا وره‌ له‌ من،وزه‌ له‌ تۆ جارێکیتر له‌ ئه‌لفه‌وه‌ یا خۆ له‌سه‌ر کۆمای پشتی سفره‌وه‌ له‌ لێواری درز بردوی ته‌مه‌نه‌وه‌ شمشاڵێک بۆ ئاوات لێده‌ین. ئێواره‌ی ته‌مه‌نتان باش رۆژه‌کانی ترش و تاڵ ترس و تۆق فیبرواری 2009 کۆمینته‌کان {0} کۆمینت شێعر- لە فارسیەوە (2008/6/20 - 03:24) - نووسینی وەیلان شێعر safaryani@yahoo.se رەسووڵ سەفەریانی کۆڵان بێ تۆ مانگه‌ شه‌وێ ،جارێکیتر له‌و کۆڵانه‌ی تێپه‌ڕام هه‌موو گیانم کرده‌ چاوو و ورد به‌دووتا ده‌گه‌ڕام حه‌زی دیداری تۆ سه‌ر رێژ له‌ په‌رداخی وجودم بوومه‌ ئه‌و‌ ئاشقه‌ دێوانه‌، که‌ بووگم له‌نه‌هێنخانه‌ی ده‌روونم گوڵی یادی تۆ دره‌وشا مۆمی سه‌د بیره‌وه‌ری داگیرسا بۆنی سه‌د بیره‌وه‌ری تێک چرژا هاتۆ بیرم که‌ شه‌وێک ،پێکه‌وه‌ له‌وکۆڵانه‌ تێپه‌ڕین له‌و چۆڵگه‌ دڵخوازه‌دا،ده‌گه‌ڕاین و ده‌فڕین کاژمێرێک له‌ قه‌راخ ئه‌و جۆگه‌دا هه‌ڵنیشتین تۆ هه‌موو سڕی جیهان کۆ له‌ دوو چاووی ره‌شت من به‌جارێک ون له‌نێو سه‌یری سه‌رنجی زۆر گه‌شت ئاسمان ساو،شه‌و هێدی به‌خت یار و زه‌مان لینی مانگ هێشوی له‌ ئاوا هه‌ڵرژاوه‌ چڵه‌ و ده‌ستی به‌ره‌و مانگ هه‌ڵێناوه‌ شه‌و سه‌حرا و گوڵ و به‌رد گوێی دڵیان هه‌موو دابوو به‌گۆرانی مه‌لی شه‌وگه‌رد له‌بیرم دێت وتت پێم : خۆ پارێزه‌ له‌م ئه‌وینه‌ بڕێک سه‌یرکه‌ له‌ ئاوی ئه‌م جۆگه‌یه‌ ئه‌شقی رێبواری وه‌ک ئه‌م ئاوه‌یه‌ تۆ که‌ ئه‌مڕۆ گۆمی چاوت به‌نیگایێک پڕ په‌رۆش و مات ئه‌بێ چۆن ده‌بێ حاڵت ئه‌وده‌مه‌ی وا ‌دڵت گیری که‌سێ بێ و، لات نه‌بێ بۆ له‌بیر بردنه‌وه‌ ،ماوه‌یێک له‌م شاره‌ بڕۆ پێم وتیت من : پارێز له‌ ئه‌شق نازانم قه‌ت له‌تۆ دووربوونه‌وه‌ ناتوانم ، نا ناتوانم له‌یه‌که‌م رۆژ که‌ دڵم به‌ته‌مای باخی ئه‌وینی تۆ فڕی چه‌شنی کۆتر هاتمه‌ گوێی پاساری بانت نیشتمه‌وه‌ تۆ به‌به‌رد دات له‌ من،من ، نه‌ هه‌ڵاتم ،نه‌ له‌تۆش پسامه‌وه‌ پێم وتیت: من مه‌ڕه‌کێویم و، تۆ ده‌بیته‌ ڕاوکه‌رم هه‌موو دونیا گه‌ڕاوم تا له‌داوی تۆ که‌وم خۆ پارێزی له‌ ئه‌وینیش نازانم، نا نازانم ئه‌سرین له‌ چاووی چڵ وه‌ری مه‌لی شه‌و هه‌ربه‌ده‌م ناڵانه‌وه‌ دای له‌باڵ و هه‌ڵفڕی فرمێسک له‌ چاووی تۆشدا له‌ری مانگ به‌ ئه‌شقت پێکه‌نی دێته‌ بیرم هیچ وه‌ڵامت پێ نه‌بوو بیبیسم چوومه‌ داوێنی خه‌م و هه‌ڵنیشتم که‌وته‌ نێو زۆنگاوێکی خه‌م، ئه‌وشه‌وه‌ و شه‌وانی دیکه‌م چاک ئه‌زانم،قه‌ت نه‌هاتوشه‌ به‌دڵتا : بابپرسم هه‌واڵێک ،له‌و برینداری ئه‌وینه‌م به‌و کۆڵانه‌شدا ئیتر تێناپه‌ڕی چۆن بلێم حاڵم که‌ چۆن بوو کاتێ به‌ بێ تۆ له‌و کۆڵانه‌ی تێپه‌ڕیم وــ ره‌سول سه‌فه‌ریانی. شێعری فه‌ره‌یدون موشیری کۆمینته‌کان {0} کۆمینت شێعر - بە بۆنەی 2 رێبەندانەوە (2008/1/17 - 01:21) - نووسینی وەیلان شێعر safaryani@yahoo.se رەسووڵ سەفەریانی دڵدار کێ بێ له‌شی دوو به‌ش کرێ و زایه‌ڵه‌ی ژین له‌ کۆڵانی ده‌ماریدا بێده‌نگ نه‌بێ و هه‌ردڵدار و خۆشه‌ویستی که‌سیتر بێت كێ بێ که‌ خۆی سوور بزانێ که‌ یاره‌که‌ی دڵداری زۆر که‌سیتره‌ به‌ڵام به‌دڵ خۆشی بوێ و خه‌نه‌ی خوێنی پێشکه‌ش به‌ په‌نجه‌ی یار بکا ئه‌وه‌ منم که‌ یاره‌که‌م له‌ شه‌وێکی بێ که‌سیدا له‌تاریکی کۆڵانێکی ته‌نگه‌به‌ری شاری مێژوو شادزێ هات چوار به‌شی کرد شێویان بڕی و تۆوی مردنیان تێدا وه‌شان به‌ڵام له‌گه‌ڵ هه‌ر به‌هارێ له‌هه‌ر به‌شێ سه‌دان هه‌زار ئه‌وینداری لێ سه‌وز ئه‌بێ و وا ئێستاکه‌ش جه‌نگه‌ڵێکی چل ملیۆنی دڵداری گیان له‌ مستی هه‌س. ره‌سووڵی سه‌فه‌ریانی safaryani@yahoo.se کۆمینته‌کان {0} کۆمینت شێعر (2007/12/8 - 15:48) - نووسینی وەیلان شێعر safaryani@yahoo.se رەسووڵ سەفەریانی تفه‌نگی تۆڵه‌ شه‌و شاری شاردوه‌ته‌وه‌ و ته‌نیا قاڕه‌ی قاڵاوه‌ قاقڕییه‌کانه‌ به‌کۆڵانی گوێی شاردا تێده‌په‌ڕێ و بۆگه‌نی زاریان مشک ئاسا له‌ کونی درگاکانه‌وه‌ ماڵه‌کانی ئاخنیوه‌ شار به‌ ده‌مامکه‌وه‌ ده‌گه‌ڕێ شار نه‌خۆشه‌ و ‌ تای یاوی وایرۆسێکی کۆنه‌ی له‌ له‌شدایه‌ ژیان کتێبێکی قه‌ده‌غه‌یه‌ له‌به‌رگی مه‌رگا ده‌گه‌ڕێ چاوه‌کان له‌ ترسی ده‌ندوکی قه‌ل به‌عه‌ینه‌کی دڵخواز ئه‌وان یان له‌رۆڵی کوێرا ده‌ژین قه‌له‌ ڤایرۆسییه‌کان بێجگه‌ قاڕه‌ی ده‌نگی خۆیان هه‌موو مه‌له‌ ده‌نگه‌کانیان باڵ کردووه‌ و له‌قه‌فه‌سی نه‌بیستندا رایان ده‌گرن له‌ سنگی ژێر سه‌نگی شه‌وی شاره‌وه هه‌ڵۆی هاوارێک ده‌رده‌په‌ڕێ :‌ به‌خه‌یاڵن چه‌نده‌ بژین ئه‌ی بیر کۆلێرا‌ییه‌کان به‌خه‌یاڵن چه‌نده‌یتر دابارنه‌ سه‌رئه‌م مه‌زرا ماندوین لێتان ماندوین ماندو وه‌ک خواردنێکی قیزه‌ونن هه‌موو رۆژی به‌زۆرداری خۆتان ده‌که‌ن به‌قورگمانا بێزاریمان فتیله‌یێک گڕ گڕتوه‌ و وڵات، هه‌مبارێکی پڕ له‌ باروت مه‌ته‌رێزتان شوشه‌ییه‌ و قینی ئێمه‌ش گولله‌یێکه‌ له‌ تفه‌نگی تۆڵه‌ماندا ڕاگرتوه‌. ئه‌ستێره‌یه‌کی سور له‌سه‌روی هه‌ڵۆی ده‌نگه‌وه‌ ‌ شیری بروسکانێک له باڵای شه‌و ده‌ئاڵێنێ و پڕ به‌ پێستی نه‌یاری شار ده‌گرمێنێ: هه‌وری مه‌رگن, هه‌ناسه‌یه‌ک له‌ نه‌مانن په‌یتا په‌یتا داده‌بارن بۆ سڕینی بوونی ئێمه‌ و وشکاندنی چۆمی سه‌وزی بڕواکه‌مان به‌ڵام ئێمه به‌‌ سه‌دان جار لێوی مه‌رگمان هه‌ڵمژیوه‌ هه‌ر به‌و داسه‌ی ده‌ستی ئێوه‌ باب و باپیره‌کانتان جه‌سته‌مانیان زور بڕیوه‌ فێریان کردین وه‌کو خوا بین له‌ نه‌بوونا بوون بڕوێنین هه‌ناسه‌ی مه‌رگ ده‌ربێنین و بای بوونمانی پێ بژیێنین بۆیه‌ ئه‌مرۆ وه‌ک نه‌که‌رۆز ره‌گ داکوتاو قه‌ندیل ئاسا به‌رزه‌ بڕوا و هیواش وه‌کوقه‌ڵایه‌کی که‌سنه‌گره‌ له‌ سه‌ر لوتکه‌ی ئه‌وباوڕه‌. له‌گه‌ڵ فڕه‌ی باڵی هه‌ڵۆ و خرمه‌ی بڕینی جه‌رگی شه‌و مه‌له‌ ده‌نگێکی هه‌ڵاتوش له‌ودیو دیواری شه‌وه‌وه‌ ‌ ره‌نگی وشه‌ هه‌ڵده‌گرێت و له‌سه‌ر بوومی خه‌یاڵیدا به‌قه‌ڵه‌می ئاواته‌که‌ی ره‌سمێک له‌ ‌ شار و خه‌نده‌ی هه‌تاو و یه‌ک دوو په‌لی ره‌ش ده‌کێشێته‌وه‌ دسامبری 2007 ره‌سول سه‌فه‌ریانی کۆمینته‌کان {0} کۆمینت شێعر - چزەی سەرما (2007/11/27 - 01:44) - نووسینی وەیلان شێعر safaryani@yahoo.se رەسووڵ سەفەریانی چزه‌ی سه‌رما نیوه‌شه‌وێ کاتێ که‌ با دڕکی سه‌رمای به‌ ده‌سته‌وه‌ و کۆڵان به‌کۆڵان ده‌گه‌ڕا ناڵه‌ ناڵی خونچه‌یه‌کی نیو کراوه‌ هه‌ژاندمی و پوره‌ی خه‌ومی لێ وروژاند جه‌سته‌ی چزه‌ی سه‌رمای تیا بوو له‌ئاوێنه‌ی ناڵه‌ی ئه‌ودا تۆم ده‌بینی تاقانه‌که‌م ره‌وه‌ی سه‌رما سه‌ریان نابوو به‌ته‌واوی شوشه‌کانی ده‌لاقه‌ی نێو ژوره‌که‌تۆ و کوره‌ ی سه‌گی پاسه‌وانیش دڵنیاتر له‌تۆی ساوا له‌ خه‌ودا بوو ژورت پڕ بوو له‌ته‌نیایی و له‌باخه‌ڵی بێکه‌سیدا راکشابووی هه‌ر چاوشین و قژکاڵێکی خه‌نده‌ شیرین که‌ دێته‌ سه‌ر جێ عینوانی چاوه‌کانم داتای بیرم ده‌مباته‌ سه‌ر په‌ڕه‌که‌ی تۆ و هه‌زار وێنه‌ی بێ ته‌نیایی و ده‌نگدانه‌وه‌ی سه‌دان چۆمی پڕ قه‌ڵبه‌زه‌ و تاڤگه‌ی قاقا و پێکه‌نینمان له‌ کوێستانی به‌هاراوی رابردودا ئه‌درکێنێ نه‌شڵه‌ژێی کانیاوه‌ بچکۆله‌که‌م باتێر سه‌یری سیمای ساوای خۆمت تیاکه‌م من نامه‌وێ ئه‌مجاره‌یان به‌رمه‌مکانه‌ی مه‌ینه‌ت بم و به‌ ره‌وڕه‌وه‌ی کوێره‌وقه‌ری پێ هه‌ڵگرم. ئه‌بێ هه‌ڵچی وه‌ک ئاواتم روون بی و بێگه‌رد وه‌ک هه‌ستی خۆت کۆمینته‌کان {0} کۆمینت شێعر (2007/10/15 - 01:17) - نووسینی وەیلان شێعر safaryani@yahoo.se رەسووڵ سەفەریانی له‌ڕۆچنی ئاواته‌وه هه‌ڵماوێکی هاڵاوداری سوتێنه‌ری که‌ ئه‌ رژیته‌ نێو چڕایی له شی ساردم گوڵ شه‌ونمی شادمانی له‌ سه‌ر چاوی چڵه‌کانم هه‌ڵ ده‌بیت و چراخانێ له‌ تاریکی ته‌نیاییما سه‌ر هه‌ڵ ئه‌دات که‌ ده‌روانم بۆ کۆڵانی بیره‌وه‌ریم تاقه‌ داری سه‌و‌زی باڵات له‌ به‌ر ده‌مما زه‌رده‌ گوڵێ به‌ لێوه‌وه‌. ئاوازی پێت زایه‌ڵه‌یه‌ له‌ ته‌پڵی ژین له‌ ئه‌شکه‌وتی هه‌ردوگوێما وه‌ک هه‌ناسه‌م دێن وده‌چن له‌ رۆچنی ئاواته‌وه‌ خۆم ده‌بینم ئاڵاومه‌ته‌ باڵای جوانت وه‌ک دو چڵی گوڵه‌ لاولاو چنگ گیر ده‌که‌ین له‌ داری ژین سه‌ر ده‌که‌وین به‌ره‌و هه‌تاو له‌ بیرم دێ دواین رۆژی پێکه‌وه‌بون دواین ساتی له‌ سه‌ر په‌نجه‌ی دو پێمه‌وه‌ هه‌تاکو سه‌ر ته‌پڵی سه‌رم ده‌ت چزانن،داخت ده‌کرد قازانێکی پڕ له‌ ئاوی سه‌ر ئاگر بووم ئێستاش که‌ بیر له‌ دوا ساتی ماڵ ئاوایی ده‌که‌مه‌وه‌ له‌و ماچانه‌...... ئاخ که‌ چه‌نده‌ سوتێنه‌رو.... قازانێکی پر له‌ ئاوی سه‌ر ئاگرم 02.03.021 کۆمینته‌کان {0} کۆمینت شێعر- سیفری زەمان (2007/9/9 - 22:32) - نووسینی وەیلان شێعر safaryani@yahoo.se رەسووڵ سەفەریانی سیفری زه‌مان تا دوا توانای چۆله‌که‌ی چاوو به‌ چوارده‌ورا چۆڵگه‌ی پڕ له‌ ته‌نیاییه‌ و دار ته‌نیا و گوڵ ته‌نیا و روباری پڕ له‌ ئاو ته‌نیا نیه‌ ته‌نیا گۆلی گوێێک تا روباری ده‌رون سوتاو هه‌ڵمی هۆره‌ی تێ بڕێژێ زه‌رده‌ی زه‌رده‌گوڵیش ئاۆا ده‌بێ به‌ بێ ئه‌وه‌ی پرچی کاڵی له‌ ئاوێنه‌ی جووتێ چاووی جوانپه‌ره‌ستا شانه‌ بکات تاقه‌داریش هه‌مورۆژێ پێشتر له‌ تاو به‌خه‌به‌ره‌‌و په‌نجه‌ی سه‌ۆزی ده‌کاته‌ سێبه‌ری چاو چاوه‌چاوی گه‌ڕاننه‌وه‌ی پۆله‌مه‌له‌ کۆچه‌رییه‌که‌ی رۆژاوایه‌ که‌ بێنه‌وه‌ و گڕی ئاواز به‌ربده‌نه‌ کوانوی دڵی و لق و پۆپی به‌بارانی ئاوه‌دانی بخوسێنن له‌م ساباتی پڕ له‌سامی ته‌نیاییه‌دا هه‌ر زریکه‌ی زه‌نده‌ق بڕی پیره‌بایه‌ به‌کۆڵانی بێده‌نگیدا تێده‌په‌ڕێ و ته‌رمی منیش به‌شانیه‌وه‌ شوێن نه‌ماوه‌ ‌بمگه‌رێنێ له‌ ئاسمان و زه‌وی و زه‌ریا پاڕایه‌وه‌ ، زۆرجار گریا به‌قه‌د جه‌سته‌ هه‌ڵبرژاو و پووکاوه‌که‌م مافم نه‌بو بۆ ناشتنیش با ماندوتر له‌ رۆحی من رۆحم شڕتر له‌جه‌سته‌م و جه‌سته‌م جوجکه‌ی جیکه‌بڕاو به‌ده‌س مناڵی ژینه‌وه‌ به‌په‌یژه‌ی پرتوکاوی باوڕێکی کۆنینه‌دا سه‌رم ئه‌خات ئه‌مبات هه‌تا سیفری زه‌مان. کاروانی ژین رێده‌که‌وێ و خێڵی مرۆڤ سه‌ر‌هه‌ڵئه‌دات مه‌لی به‌رزه‌فڕی هزر وخه‌یاڵ ده‌فڕێت و گه‌رایه‌کی به‌نێوی خوا له‌ده‌رونیا ده‌گرسێت و هێلکه‌ ده‌کا هه‌ڵی دێنێ و ورده‌ ورده‌ شکڵ ئه‌گۆڕێ و له‌به‌رده‌وه‌ ده‌بێ به‌ مانگ ده‌بێ به‌خۆر......... نه‌بین ده‌بێ و جل و به‌ری ده‌سه‌ڵاتی له‌به‌ر ده‌که‌ن خوا ده‌بێته‌ ده‌سه‌ڵات و ...... ده‌بن به‌ شا و نۆێنه‌ری خوا له‌ ته‌یمور و چه‌نگیزه‌وه‌ تا هیتلێر و سه‌دام و شا پاپ و خاخام و مه‌لا خاوه‌نانی تاج و ته‌خت و ریش و عه‌با هه‌ر ئه‌و خودان. له‌ده‌سپێکی زه‌مانه‌وه‌ هه‌تا ئه‌مرۆ له‌یه‌که‌م خوا ده‌سکرده‌که‌ی ده‌ستی مرۆڤ تاکو خودا نه‌بینه‌کان ته‌نیا خوایه‌ک به عه‌دڵ و داد نامۆتره‌ له‌ته‌رمی من به‌گه‌ردوونی پڕ له‌ بێداد safaryani@yahoo.se کۆمینته‌کان {0} کۆمینت شێعر . دیدار (2007/7/5 - 01:18) - نووسینی وەیلان شێعر دیدار خۆشه‌ویستی چاوده‌ریایی کای بوونی من له‌ ئاگری ئه‌سرینه‌که‌ت گڕ ده‌گرێت و به‌هه‌ناسه‌ی هه‌نیسکاویت پرژ و بڵاو ده‌بێته‌وه‌ تاکو دوێنێ نه‌مده‌زانی دڵۆپێ ئاو چه‌ن ده‌توانێ گڕاوی بێت من بیستبوم ئاگر به‌ئاو ئه‌کوژێته‌وه‌ به‌ڵام که‌ ئاو بوو به‌ ئاگر هه‌ر دیداره‌ هه‌ر دیداره‌ ئه‌یبڕێته‌وه‌ که‌دیداریش له‌په‌رداخی زه‌مانا بوو ئه‌بێ ئه‌سپی هه‌ره‌تووشی چاوه‌ڕوانی بۆ رام بکه‌ی له‌سه‌رده‌می کۆ کردنه‌وه‌ی هه‌موو جیهان له‌ جامێکی دوو بستیدا خوا شکێنی له‌قامووسی زاروه‌کانی وڵاتمدا زارۆکانم بێ باوک ئه‌کا جانجاڵوکه‌ی ره‌شی ئایین له‌ مێژه‌‌وه‌ خزیوه‌ته‌ ژینگه‌ و ژینمان هه‌موولایێ تۆڕچن ، تۆڕچن ته‌نیا تاکه‌ ده‌لاقه‌یێ بچکۆلانه‌ش ئاوه‌ڵ نیه‌ به‌دیمه‌نی ئازادیدا هه‌وری ره‌شی ریش و عه‌با ده‌مێ ساڵه‌ له‌نێوانی خۆری باوک و گیای رۆڵه‌دا زه‌رداوی خه‌م ده‌بارێنێ خۆر زه‌رد و خۆڵ زه‌رد و گیا و دار و دونیاش هه‌موو هه‌ر زه‌رد 10.02 2002 safaryany@yahoo.se کۆمینته‌کان {1} کۆمینت شێعر (2007/6/6 - 16:58) - نووسینی وەیلان شێعر safaryani@yahoo.se رەسووڵ سەفەریانی هه‌ڵمی ژیان هه‌نگی خه‌یاڵم بۆگوڵی هیوایه‌ک ده‌گه‌ڕێ و باخی ژیانم وه‌رزی زستانی له‌سه‌ره‌ چرپه‌ی چرۆی یه‌ک چڵیشم نایه‌ته‌ گوێ وشکه‌داری ره‌گ سوتاوی قاقڕێکم په‌نجه‌ی ساردی چاوه‌ڕوانی له‌سه‌ر تاری چڵه‌کانم هه‌وای مه‌رگم ئه‌ژه‌نێت و کوندی خه‌میش له‌سه‌ر دوایین قه‌ڵای چۆڵی هیوامه‌وه‌ گۆرانی بۆ مردن ئه‌ڵێت چنگی خه‌یاڵ خۆڵه‌مێشی هیواکانم لێک ئه‌دات و ژیله‌موویه‌ک په‌نجه‌کانی ده‌گه‌زێت بروسکه‌یه‌ک وه‌کو تاڵێ قژی سپی له‌خه‌رمانێ زولفی ره‌شدا ده‌ئاڵێته‌ باڵای شه‌وی ناهومێدیم شنه‌ی یادی تروسکانی دوو ئه‌ستێره‌ شاری مردوی شه‌وداگرتوی ئاوه‌ته‌کان پڕ ده‌کات و ده‌بنه‌ خۆڵ و ده‌بنه‌ باران تۆوی هیوام له‌باخه‌ڵیان چه‌که‌ره‌ ده‌کا و زوقمی مردن ئه‌تاوێنێ. مانگی 10 ساڵی 2003 کۆمینته‌کان {1} کۆمینت دواتر \| په‌ڕه‌ 1 له‌ 2 \| ‌پێشوو	ده‌سپێک ئه‌رشیڤ زانیاری ئه‌لبۆمی وێنه‌کان دراوسێکان چینی بابه‌ته‌کان فارسی پەخشان بابەتی کوردی شێعر لینکی دراوسێکان ئه‌نجۆمه‌نی قه‌له‌م دەنگەکان هەڵوێست دوابابه‌ته‌کان بێ ناو بۆچون گەلا شێعر فارسی وێبڵاگی دۆستان Powered By KurdBlogger.com

هه‌ڵمی ژیان